அக்காளிரண்டு தங்கையிரண்டு
அண்ணனும் தம்பியும்
அளவாய் ஒன்றொன்று!
அத்தனை பேரிடமும்
அன்பை பகிர்வதில்
அளவுதாண்டும் கடலென்று!
உடன் பிறந்தோரில்
எல்லா உறவுகளுடன்
செல்வங்கள் அனைத்தும்
பெற்ற செல்வியே!
தமிழில் தாகங்கொண்ட
தமிழ் குடும்பத்தின்
தமிழ் செல்வியே!
அறியாதோர் ஆயிரமாய் வந்தாலும்
அனைவருக்கும் இன்முகத்துடன்
அறுசுவையுணவை பாசத்துடன்
பரிமாறும் அன்னபூரணியே!
தையல்கலையின் மீதான
தீராக்காதலினால் தான் நீ
தையல்நாயகியோ?
மருமகளை மகளாய்
கவனிக்கும் பொறுமை
மகளே கொண்டிடுவாள் உங்கள்
கவனிப்பில் பொறாமை!
உங்களால் அழகாய்
தேர்ந்தெடுக்கப்படும் உடை
ஊரார்போற்றப் பெற்றிடுமே
நேர்த்தியான தனிநடை
கணவருக்கு கண்ணின்
இமைபோல்
கணம்தவறாது காவல்
கவனிப்பில் கலந்திருக்கும்
களங்கமில்லா காதல்
பேரன் பேத்திகளிடம்
என்றுமில்லை
பாசத்தில் பேதம்
வாழ்வில் வசந்தம் வீசி
வாழ்த்திடுமே சந்தோஷ கீதம்!
இனிய பிறந்த நாள் வாழ்த்துகள்
ReplyDeleteமின்நூல் வெளியீடும் பரிசில் வழங்கலும் 2017
https://seebooks4u.blogspot.com/2017/03/2017.html
தகவலுக்கு நன்றி ஐயா
ReplyDelete